Жаңа Конституция – еліміздің болашағы!
Құрметті отандастар!
Қазақстан фермерлерінің қауымдастығы еліміздің болашағына бейжай қарамайтын барлық азаматтарды алдағы референдумға белсенді қатысуға шақырады.
Референдум – әрбір азаматтың өз пікірін білдіріп, мемлекетіміздің даму бағытын айқындауға тікелей үлес қосатын маңызды демократиялық құрал.
Жер – біздің тірегіміз, ауыл – ұлтымыздың тамыры. Еліміздің болашағына қатысты әрбір маңызды шешім ауылдың да, қаланың да тағдырына тікелей әсер етеді. Сондықтан әр азаматтың дауысы – ел болашағына қосылған үлес.
Фермерлер үшін тұрақтылық, әділдік және дамуға бағытталған шешімдер ерекше маңызды. Өйткені біз еңбек етіп отырған жер – келер ұрпаққа аманат. Сол аманаттың тағдырына бейжай қарамау – баршамыздың азаматтық борышымыз.
Сіздерді ел болашағына жауапкершілікпен қарап, референдумға қатысып, өз таңдауларыңызды жасауға шақырамыз. Бірлік пен жауапкершілік арқылы ғана Қазақстанымыздың ертеңін жарқын ете аламыз.
Еліміздің келешегі – өз қолымызда!
Қазақстан фермерлерінің қауымдастығы