Құрметті достар!
Қазақстан Фермерлері Қауымдастығының өңірлік филиалдарының басшыларымен бірге Өскемен қаласында конференция өтіп жатыр. Әр өңірден келген азаматтармен қауымдастықтың алдағы уақыттағы қадамдары талқылануда. Биыл қараша айында еліміздің ең үздік фермерлерін анықтау мақсатында “Үздік фермер” Ұлттық премиясын өткізуді жоспарлап отырмыз. Өз саласында сүбелі қызмет қылып жүрген азаммар төмендегі 10 бағыт бойынша марапатталады:
1)Үздік өсімдік өсіруші;
2)Үздік мал өсіруші;
3)Үздік механизатор;
4)Жылдың жас фермері;
5)Жылдың әйел фермері;
6)Қаладан ауылға;
7)Жылдың медиа фермері;
8)БАҚ-тағы фермерлік туралы үздік баспа мақаласы;
9)YouTube-тегі фермерлік туралы үздік бейне сюжет;
10)Үздік ауыл әкімі.
Бұл ел тәуелсіздік алғалы өтпеген шара. Сондықтан “Үздік фермер” Ұлттық премиясы ауыл шаруашылығы саласына сүбелі серпін бермек.
Сонымен қоса қауымдастықтың өңірлік өкілдері Жигули Молдахалықұлымен бірге “Восток молоко” корпорациясының өндіріс орынының жұмысымен танысты.